Kabhi-kabhi zindagi humein aise mod par laakar khada kar deti hai…
jahaan hum khud ko bhi pehchaan nahi paate.
Plus Two ke baad main bhi usi mod par khadi thi — confused, broken aur akeli.
Plus Two complete hone ke baad mujhe samajh hi nahi aa raha tha ki main aage kya karoon. Mere paas sirf 81% marks the. Is percentage ke saath mujhe kahin bhi achha admission nahi mil raha tha.
Mere parents mujhe Al Farook College mein B.Com ke liye admission dilwana chahte the. Lekin mera dil wahan nahi tha. Mujhe commerce pasand hi nahi tha. Maine apni maa se kaha,
"Ma, mujhe B.Com nahi karna."
Meri maa ne zyada kuch nahi kaha. Bas itna bola,
"81% ke saath tum aur kahaan jaogi? Ab B.Com hi padna padega."
Yeh baat mujhe andar se bahut chubhi. Mujhe laga tha meri maa meri situation samjhegi — meri mental struggles, meri emotional pain. Lekin us din mujhe laga jaise meri value sirf mere marks ban gaye ho.
College mein B.Com admission ho gaya. Par agle hi din mere father ki badi behen ghar aayi aur boli,
"Drishya ko B.Com mat padhaiye."
College walon ne bhi kaha ki wo fees wapas kar denge. Yeh sunkar meri khushi ka koi thikana nahi tha. Maine maa ke chehre par muskurahat dekhi aur mujhe laga shayad bhagwan ne meri sun li.
Lekin agle hi din bataya gaya ki mujhe Guruvayoorappan College mein admission mil gaya hai.
Sab mujhse poochne lage,
"81% ke saath aur kya option hai tumhare paas?"
Mujhe khud nahi pata tha kya karoon. Tab maine apni ek hi close friend ko phone kiya aur poocha,
"Tum aage kya karogi?"
Usne kaha,
"Main NEET entrance repeat kar rahi hoon."
Us moment mujhe laga — haan, mujhe bhi yahi karna chahiye. NEET repeat ke liye Plus Two percentage zyada problem nahi hoti.
Maine maa aur didi ko bola,
"Mujhe NEET repeat karna hai."
Lekin unka jawab seedha tha,
"Tum NEET kabhi qualify nahi kar paogi. Tum bhool gayi ho kya tumhare sirf 81% aaye hain?"
Maine unhe samjhaya ki NEET ke liye percentage matter nahi karti. Phir bhi unhone kaha,
"Tum kabhi qualify nahi kar paogi."
Fir bhi maine haar nahi maani. Bahut zidd ke baad mujhe repeat karne ki permission mili.
Maine bola,
"Main Meenchada Elite Centre (Kerala) jaana chahti hoon."
Kyuki meri ek hi close friend bhi wahin repeat kar rahi thi. Is tarah main NEET repeat ke liye coaching join kar gayi.
Main dil se bahut khush thi. Main apni marzi se padh rahi thi. Lekin phir ek din class mein ek sir aaye — jo Calicut Medical College mein PG kar rahe the.
Aur unka aana meri zindagi ki direction hi badalne wala tha.
Mujhe tab nahi pata tha ki ek insaan ke bolne ke kuch shabd… meri poori duniya hila denge.