Hello doston, aaj main aapko ek garib ladke ki kahani bataunga. Yah kahani shayad aapko kuch naya sikha de. Aap log sabhi jaante hain ki har vyakti ka koi na koi sapna zarur hota hai. Aap log bhi anekon sapne dekhte honge tatha un sapnon ko poora karne ki koshish bhi karte honge.
Is kahani mein ek garib ladka hai jo ek garib ghar se sambandh rakhta hai tatha garibi bhare jeevan mein gujara karta hai. Garibi mein gujara karna bahut mushkil hota hai. Hum garib log sapne to bade-bade dekhte hain, parantu hamare saamne aisi paristhitiyan aa jaati hain ki humein apne sapnon ko poora karne ke liye anek kathinaaiyon ka saamna karna padta hai.
Chaliye ab kahani mein is ladke ke baare mein jaante hain. Ladke ka naam Sourabh hai. Sourabh gaon mein rehta hai. Uske parivaar mein uski maa hai, kyunki pitaji ka nidhan ho gaya tha. Bina pita ke jeevan kathinaaiyon se bhara hota hai. Kehte hain pita ka saya hi kaafi hota hai, daulat kis ke liye chahiye. Daulat to khud kama sakte hain, lekin bachchon par aane wali har musibat ka saamna sabse pehle pita ko hi karna padta hai.
Sourabh ek kheti-badi karne wale ek saadharan parivaar se sambandh rakhta tha. Uske sapne to unche the, parantu haalaat ne use itna kamzor kar diya tha ki vah apni zindagi ki udaan hi nahi bhar paa raha tha. Garibi se bhara Sourabh ka jeevan aur logon ke taane se bhi pareshan tha.
Uske pita ke nidhan se pehle vah theek se bada bhi nahi hua tha. Pita ki mrityu ke baad saare ghar ki zimmedaari uske kandhon par aa gayi. Khelne-koodne ki umra mein Sourabh garibi, zimmedaari aur logon ke taane sab kuch jhel raha tha. Kyunki jab haalaat bure hote hain, to toota hua insaan kisi ke taane ka jawab tak nahi de paata.
Uske sabhi dost school jaate the. Uski maa dusron ke kheton mein kaam karti thi. Mehnat karke ve log mushkil se do waqt ki roti kama paate the. Sourabh kheti-badi ke saath-saath gaon ki ek chhoti si dukaan par bhi kaam karta tha. Kyunki jab haalaat aapke bas mein nahi hote, tab aapko anek kaam ek saath karne padte hain.
Aisa hi kuch Sourabh ke saath hua. Use din-raat bharpur mehnat karni padti thi. Sourabh aur uski maa ek chhote se mitti ke ghar mein rehte the. Barish ke dino mein chhat se paani tapakta aur sardiyon mein mitti ki diwaron se thandi hawa andar aa jaati thi. Par uske paas iske siwa koi aur sahara nahi tha.
Haalaat itne bure the ki vah gujara bhi mushkil se kar paate the. Do waqt ki roti bhi unhe aasani se naseeb nahi hoti thi. Garibi ke saath-saath Sourabh par zimmedaariyon ka bojh bhi tha. Zamindar ka karza bhi tha. Jab uske pitaji bimar the, tab unke ilaaj ke liye zamindar se karza liya gaya tha. Ab vah karza bhi Sourabh aur uski maa ke upar talwar bankar khada rehta tha.
Ek taraf garibi aur dusri taraf karza.
Ek din uske jeevan mein ek nayi ummeed aayi. Yah ummeed ki kiran use shayad in sabhi haalaaton se bahar nikaal sakti thi. Kehte hain ummeed par duniya kayam hoti hai.
Aapko kya lagta hai yah ummeed kya hogi? Aaiye, ab aage jaante hain.