Kuch Good Bye ek pal me ho jate hain.
Ankhon ka assuu , last message , ya ek final conservation --- sb kuch clear hota hain , lekin direction bhi hoti hain.
Aur kuchh good bye aise hote hain jinka koi exact moment nahin hota . Na koi last line, na koi final decision.
Thodi jyada comfortable lagne lagte Hain Fir aap notice karte Ho ki aap ab bhi vahi Ho lekin rishta vahi nahin Raha.
Loving you was the hardest goodbye, kyuki ye goodbye kisi ek din me nhi hua. Ye un sab dinon mein hua jab maine aur samjha ,aur tumne kam mehsoos kiya. Ye un ratton me hua jab main baat karna chahta tha, lekin khud ko rok leta tha. Ye un lamhon me hua jab mujhe lagta tha ki main thoda aur ruk jaaun, toh sayad sab theek ho jaaye.
Shuruaat mein aapko to jhuthi taslli dete ho Aap kehte Ho, "thoda waqt hai sab normal ho jayega."
Aur aap wait krte ho , kyuki jab pyaar hota hain, toh hum problems ko phase krte hain.
Hum silence ko space bol dete hai. Hum distance ko maturity bol dete hain. Lekin sach ye hota hain sab cheezin theek nahi hoti, toh Dil Sabse pehle samajh jaata hai. Bas hum usse manana thoda late karte hain.
" Sabse mushkil goodbye wo hota hain jo bina jaaye dete hain."
Is goodbye ka dard issiliye zyada hota hain kyuki issmein nafrat nhi hoti.
Aagar nafrat hoti, toh chhodna aasan hota.
Yahan joo pyaar hota hain-- sirf saath rehne ki wajah mar chuki hain.
Kabhi kabhi aaisa lagta hain ki sirf meri hi koshish hain samne wala đ ko koi fark nhi pdh rhaa.
Dheere ek sach clear hota hai ---- main ruk Raha tha, par akela. Main fight kar raha tha, par akela.
Kya ek tarfa koshish ko ham pyar kah sakte hain?
Loving You Was the hardest goodbye kyunki ismein closure nahi tha. Bas acceptance tha. Acceptance ki pyaar hone ki baad bhi sath rehana jaruri nahin hota. Acceptance ki khud Ko pahchanna selfish nahin hota . Acceptance ki har cheej Jo ham chalte Hain, wo humare liye bani nahi hoti.
"Goodbye kehna kamzori nahi hoti jab aap khud ko sambhalne ke liye kah rahi ho"
Is goodbye ke baad main thoda shaant ho gya. Thoda kam expressive. Lekin zyada honest, Ab main kisi ko pakadne ke liye khud ko bend nahi kerta . Ab main sirf un rishton mein rehta hoon Jahan main Bina Darr ke reh sakta hoon.
Kab ham sikhate Hain ki pyar ka sabse bada proof rahana nahin, Sahi waqt per chhodana hota Hai?
Always Remember:
"Tumse pyar karna mushkil nahin tha tumhen chhodana mushkil tha kyunki main tumhe nahin, khud Ko sambhal kar ja raha tha."
Sabse gehra dard ignore hone ke baad hota hai.
Ignore hona matlab sirf reply Na aana nahin hota. Ignore hona matlab wo feeling jab aapke emotions kisi ke liye priority nahin rehte, Jab aap kisi se baat karna chahte hain, lekin vah busy rahana choose Karta Hai . Jab aapki presence ek option ban jaati hai, necessity nahi. Is tarah ka pain loud nahi hota, par ye andar sab kuchh kah jata Hai ismein koi ladai nahin Hoti koi closure nahin hota sirf ek Khamosh duri hoti hai jo roj thodi thodi padati rahti .
Is silence jyada bahari hota hai kyunki ham isse prove nahin kar sakte , bas mehsoos kar sakte hain.
Pyar tab bhi pyar hota Hai jab sirf ek hi side se nibhaya ja Raha Ho?
Yah sawal har use Insan ke Dil mein aata hai jo relationship mein Akela mehnat kar raha hota Hai. Pyar ka matlab hota hai balance --do log , do efforts,do tarah se care. Lekin jab sari samajh, sari patience, aur Sara adjustment ek hi Insan kare , toh wo pyar nahin rahata , wo thakan ban jaata Hai. Aur thakaan ke saath saath resentment bhi aane lagti Hai , Jo dheere dheere pyar Ko khatam kar deta hai.
Love tab khatm nahin hota jab log dur Ho jaate Hain balki tab khatm hota Hai jab ek Insan Akela fight Karta rah jata hai.
Pyar agar aapko khud se dur kar de to vah pyar nahin hota.
Ye realisation sabse zyada time leti hai. Kyunki hum kyunki ham is Aksar pyar ke Naam per Apne comfort , apni boundaries , aur apni Khushi ko side mein rakh dete Hain. Humne lagta hai sacrifice hi proof hota Hai sacrifice hi proof hota hai pyaar ka . Lekin jab ham apni hi pahchan bhoolne lagte Hain, jab ham khud Ko Chhota mehsoos karne lagte Hain , tab samajh aata hai ki ye pyar nahin, attachment hai . Aur attachment hamesha pain deti Hai .
Agar dard sach mein Chhota hota, toh Dil use baar- baar yaad kyun karta?
Is tarah ka pain aksar akela banaa deta Hai . Kyunki ham samajh jaate Hain ki har koi samajh nahin payega. Isliye ham bolna kam kar dete Hain, share karna chhod dete Hain, aur khud ke andar hi sab handle karne ki koshish karte hain. Bahar se ham strong dikhte hain , Lekin andar ham khud se hi thak chuke hote Hain.
Personal pain ka sabse heavy part ye
hota hai ki yah self - doubt paida Karta Hai . Ham khud Ko question karte ha---- kya ham jyada sensitive hai , kya humne jyada feel kar liya , ya kya humne galat Insan ko importance de di. Dheere -dheere pain ssirf situation per nahin rahata, woh hamari self- worth ko bhi touch karne lagta hai.
Kya Dard tab jyada chubhta Hai jab vah hamari value per sawal paida kar deta hai?
Is stage per healing shuru nahin hoti, balki confusion shuru hoti hai , Hum ek taraf samajhna chahte hain, aur dusri taraf bhulna. Hum strong bhi Banna chahte hain , aur kamjor bhi mehsus karte Hain .
Ye conflict hi personal pain ko aur gehra banaa deta Hai . Kyunki yahan ladai kisi aur se nahin Hoti, yahan ladai khud se Hoti Hai .
Lekin isi pain ke beech ek sach chupa hota hai. Personal pain hume yah dikhata hai ki humne kahin na kahin apna Dil sach mein lagaya tha . Ye proof hota hai ki ham fake nahin tha. Aur yeh realisation dheere -dheere strength ban sakti hai, agar hum khud Ko galat samajhana band kar dein.