Ayaan khidki ke paas baitha bahar dekh raha tha। Gaadi dheere-dheere ek naye shehar me enter ho rahi thi। Unchi buildings, bheed-bhaad, horn ki awaaz… sab kuch uske purane gaon se bilkul alag tha।
Uski mummy ne halki si muskaan ke saath kaha,
"Yahan sab theek ho jayega, Ayaan."
Par Ayaan ko pata nahi kyun lag raha tha ki kuch theek nahi hoga। Uske papa ab unke saath nahi the… aur shayad isi wajah se uske andar ek khaali pan sa reh gaya tha।
Naya ghar bhi usse ghar jaisa nahi lag raha tha। Deewar saaf thi, par unme koi yaadein nahi thi। Raat ko jab wo sone gaya, usse neend nahi aayi। Usne socha — "Kya main yahan kabhi khush reh paunga?