Raat ka time tha… sab kuch shaant tha.
Lekin Anaya ke andar ek ajeeb si bechaini chal rahi thi.
Wo apne room ki window ke paas khadi thi, bahar andhera dekhte hue. Hawa halki si chal rahi thi… lekin usse lag raha tha jaise koi usse dekh raha ho.
"Ye feeling… phir se," usne dheere se kaha.
Pichle kuch dino se uske saath ajeeb cheezein ho rahi thi.
Kabhi bina wajah hawa tez ho jati…
kabhi paani apne aap hilne lagta…
Jaise koi invisible force ho.
"Main overthink kar rahi hoon…" usne khud ko samjhaya aur bed par let gayi.
Kuch hi der me uski aankh lag gayi.
Sapna…
Lekin ye normal sapna nahi tha.
Anaya ne khud ko ek bade se mahal ke beech me khada paya. Har taraf chamakta hua paani tha… jaise poora mahal paani se bana ho.
Usne apne haath ko dekha…
Aur wo shock ho gayi.
Uski ungliyon ke aas-paas paani ghoom raha tha.
"Ye… kya hai?" usne hairani se kaha.
Jaise hi usne apna haath hilaya…
paani uske control me aane laga.
Wo hawa me utha… ghooma… aur phir uske saamne ruk gaya.
Anaya ka dil zor se dhadak raha tha.
"Main ye sab kaise kar rahi hoon…?"
Tabhi usne ek awaaz suni…
Gehri… aur thodi mysterious.
"Kyuki tum hi ho… Queen of Secrets."
Anaya turant palti.
"Kaun hai?!" usne zor se poocha.
Lekin wahan koi nahi tha.
Sirf us awaaz ki goonj reh gayi…
"Queen of Secrets…"
Achanak sab kuch hilne laga…
Aur Anaya ki aankh khul gayi.
Wo jhatke se uth baithi.
Uska saans tez chal raha tha… aur uska dil itna zor se dhadak raha tha jaise wo sach me wahan thi.
"Ye sapna nahi ho sakta…" usne dheere se kaha.
Usne apne haath ko dekha…
Kuch seconds ke liye use laga jaise uski ungliyon par paani ki halki si nami hai.
Wo dar gayi.
"Ye… reality me kaise possible hai…?"
Next morning…
School ka atmosphere normal tha, lekin Anaya bilkul normal nahi thi.
Wo class me chup-chaap baithi thi.
Tabhi class ka door khula…
Aur ek naya ladka andar aaya.
"Class, this is Veer. He will join you from today," teacher ne kaha
Sab usse dekh rahe the.
Lekin Veer sirf ek insaan ko dekh raha tha…
Anaya.
Uski nazar intense thi… jaise wo usse pehle se jaanta ho.
Anaya uncomfortable feel karne lagi.
"Why is he staring at me like that…?" usne socha.
Veer dheere se uske paas aaya… aur uske side wali seat par baith gaya.
Kuch seconds tak silence raha.
Phir wo dheere se bola…
"Tumne kal raat kya dekha… yaad hai?"
Anaya ka dil ek second ke liye ruk gaya.
Usne turant uski taraf dekha.
"Tum… kaise jaante ho?"
Veer halka sa smile kiya…
Lekin uski aankhon me ek warning thi
"Kyuki wo sirf sapna nahi tha…"
Anaya ka saans ruk gaya.
"Wo tumhara secret hai… aur ab wo bahar aane wala hai."