Part 1
Ek chhote se gaon ka naam tha sundarpur.
Yeh gaon hare bhare kheton ,pedon aur ek chhoti si nadi ke pass basa hua tha .Gaon log bahut mehnati aur seedhe saadhe log the. Zyada tar log kheti karte the aur apni zindagi kheton par hi nirbhar rakhte the.
Usi gaon me Ramu naam ka ek kisan rehta tha.Ramu bahut mehnati aur imaandaar aadmi tha .
Uske pass zyada zameen nhi thi, lekin jitni bhi thi woh bahut upjaau thi . Ramu ke pita bhi kisan the aur unhone hi use kheti ke baare me sab kuch sikhaya tha.
Ramu ke parivaar me uski patni Gita aur ek beta Mohan tha . Mohan abhi school me padhta tha . Lekin use apne pita ke saath khet jana bahut pasand tha.
Har shbha ramu suraj niklne se phle uth jata tha. Gita uske liye garam chai banati thi . Chai peene ke baad Ramu apne kandhe par kudal aur kuch zaroori samaan lekar kheton ki taraf nikal padta.
Subah ka samay bahut suhana hota tha .
Thadi hawa chalti thi, pakshi aasman me udte hue gaatebthe aur suraj ke pehli kitne jab kheton par padti thi to pura drishya bahut sundar lagta tha .
Ramu ko apni zameen se bahut pyaar tha.
Woh hamesha kehta tha,
"Zameen hi kisan ki asli daulat hoti hai".
Kheti ka Pehla Kaaam – Mitti ki Taiyari
Kheti ka sabse pehla kaam hota hai mitti ko taiyaar karna . Ramu har saal fasal ugane se pehle apne khet ko achhi tarah jhotta tha.
Pehle ke zamane me log bailon se hal chalate the. Lekin ab gaon me tractor aa gye the . Tractor se kaam jaldi ho jata tha aur mehnat bhi kan lagti thi.
Ramu tractor ki madad se mitti ko palat deta tha. Isse mitti naram ho jati thi aur beej ugne ke liye accha mahaul milta tha.
Jotai ke baad Ramu mitti me gobar ki khaad milata tha . Gobar ki khaad mitti ko majboot banati hai aur paudhon ko poshan deti hai.
Ramu chemical khaad ka kam istemal karta tha. Woh maanta tha ki prakriti kheti zyada acchi hoti hai
Beej Bone Ka Samay
Kuch dino baad jab mitti taiyar ho gyi to beej bone ka samay aa gaya.
Ramu ne gehun ke beej kharide aur apne khet me bone laga . Mohan bhi uske saath tha.
Mohan ne poocha ,
"pitaji, kya har beej se ek paudha ugta hai"?
Ramu muskura kar bola ,
"Beta, agar beej achha ho aur usko paani aur suraj ki roshni mile, to zaroor paudha ugta hai ".
Mohan bahut dhyan se apne pitaji ki baat sun raha tha.
Beej bone ke baad dono ghar laut aaye.
Kucch din baad chhote chhote hare paudhe
mitti se bahar nikalne lage .
Yeh dekhkar Mohan bahut ho gya.
Usne Khushi se kaha
"Pitaji dekho! Paudhe ug aaye !"
Ramu ne pyaar se kaha ,
"Beta , yeh hamari mehnat ka pehla phale hai! "
Sinchai Ka Mahatva
Paudhon ko badhne ke liye paani bahut
zaroori hota hai . Agar paani na mile to paudhe sookh jate hain...
Next page..Part 2