IMANDARI KA INAM
Characters:
Narrator: Kahani sunane wala.
Raju: Ek gareeb magar mehanti ladka.
Pitaji: Raju ke hardworking papa.
Vyapar :Jinka purse kho gaya tha.
Ek chhota sa gaon tha jahan Raju naam ka ek ladka rehta tha. Raju ke paas paise toh kam the, par uska dil bahut bada tha. Ek din school se ghar aate waqt.(Chalte hue) Arre, yeh raste mein kya pada hai? Dekha to purse gira tha (Purse uthata hai) O teri! Ismein toh itne saare paise hain aur ek ID card bhi hai. Mujhe turant ghar jaakar Papa ko dikhana chahiye.
Raju daudte hue apne papa ke paas khet mein pahunchta hai.
Raju: Papa, dekhiye mujhe kya mila! Raste mein yeh purse pada tha. Ismein bahut saari cash hai.
(Ghaur se dekhte hue) Beta, yeh paise hamare nahi hain. Kisi ki mehnat ki kamai hogi. Yaad rakhna, imaandari hi sabse badi daulat hai. Jiska hai, usse waapas karna hamara farz hai.
Aap sahi keh rahe ho, Papa. Main abhi Mukhiya ji ke paas jaata hoon. ID card se pata chal jayega yeh kiska hai.
Mukhiya ji ki madad se Raju us aadmi ke paas pahuncha jiska purse tha. Woh ek bahut bade the.
Namaste uncle, kya yeh purse aapka hai? Mujhe raste mein mila tha.
Vyapari: (Purse check karte hue) Haan! Yeh toh mera hi hai. Ismein zaroori documents aur kaafi paise the. Main toh pareshan ho gaya tha. Beta, tumne ise khola nahi?
Nahi uncle, mere Papa kehte hain ki doosron ki cheez par hamara koi haq nahi hota.
(Khush hokar) Waah! Aaj ke zamane mein tum jaise sachche log milna mushkil hai. Tumhari imaandari ne mera dil jeet liya. Batao main tumhare liye kya kar sakta hoon?
Mujhe bas padhna-likhna hai uncle taaki main apne maa-baap ka naam roshan kar sakoon.
Aaj se tumhari padhai ka saara kharcha main uthaunga. Tum bas mann laga kar padho!
Raju ki aankhon mein khushi ke aansu aa gaye. Usne khoob mehnat ki, dhang se padhai ki aur bada hokar ek Imaandar Officer bana.
( SHIKSHA )
IMANDARI KA PHAL HAMESHA MEETHA HOTA HAI.