THE NECKLACE
To ye story hai Kunika naam ki ladki ka jo ek middle class family se belong karti thi.
Kunika bachpan se hi kafi sidhi-sadhi bacchi thi . Usne kabhi bhi apne parents ko koi bhi cheez kharidne ke liye zidd nhi Kiya kyuki usne hamesha apne parents ko suffer krte hue dekha tha , use jo milta usi me khush rahti thi aur koi complain nhi krti thi.
Kunika ko bachpan se hi padhna - likhna pasand nhi tha lekin kunika jab 8th standard me aayi to dhire dhire use samjh aane laga ki uske parents uske liye kitna mehnat krte hai aur wo padhai bhi nhi krti hai . Kunika ko waise to padhai pasand nhi thi lekin fir bhi wo apne mummy papa ke liye padhai krti thi bas ye soch ke ki agar wo nhi padhegi to future me wo kaise survive kar payegi aur uske parents hmesha gareeb hi rah jayenge tb usne padhai karni start ki.
Ek baar kunika ke school me trip ke liye planning ho rhi thi to Kunika ne saf saf mana kar diya Trip pe jane se kyuki Kunika ko padhai karni thi lekin uski friends ne usse bola - chal na yaar bas 2 din ki hi to baat hai fir aa ke padh lena, aise tu ghum bhi legi. Kunika ne ye soch ke han bol diya ki use uske parents kahi ghumane ke liye nhi leke jate the kyuki unka budget itna nhi tha isliye Kunika kahi bhi ghumne nhi jati thi . Us din Kunika ghar aayi aur trip jane ki baat usne apni mummy ko batayi uski mummy man gyi kyuki us trip ke liye jyada paise nhi lag rhe the aur wo itna afford kar pate . Fir Kunika us din raat ko khana kha ke sone chali gayi wo bhut khush thi kyuki wo pahli baar school trip pe ja rhi thi . Usko excitement me us raat der tak nind nhi aayi aur usne raat ko hi apni sari packing kar li thi. Agle din subah Kunika, uske classmates aur teachers sab log trip ke liye nikal gaye . Bus me sab masti karte aur gana gate hue ja rhe the . Unke rahne ke liye teachers ne hotel book kar ke rakha tha us din hotel pahuchte pahuchte sam ho gayi . Jab wo log waha pe pahuche to sabne dekha ki wo hotel thoda purana lag rha tha aur aas pas jungle hai ye sab dekh ke teachers hairan ho gye kyuki unhone to accha sa hotel book krke rakha tha lekin fir unhone socha ki 2 din ki hi to baat hai bacche adjust kr lenge kyuki waha pe usi time dusra hotel milna mushkil tha to sbne apna apna saman apne apne room me rakh diya . Teachers ne bola ki jao sblog apna apna room choose kar lo aur ek room me 3 bacche rah skte hai to Kunika apni do friends ko sath liye aur ek room me tino ne apna saman rakh liye , jis room me Kunika aur uske friends the us room me ek bhut hi azib si khidki thi jisse bahar dekhne pe Kunika ko ek bhut purana sa tuta hua Ghar dikhayi diya jisko dekh ke aisa laga ki wo kafi salo se aise hi pada hua hai aur usme koi nhi rahta hoga lekin us ghar ko dekh ke Kunika ko kuch azib feel hua lekin isse pahle ki wo apne friends ko kuch bolti tab tak teacher ne aawaj diya - sare bacche jaldi se hall me aa jao, to Kunika aur uske friends aur baki sblog hall me chale gye. Aur kyuki tab tak andhera ho gya tha to teachers ne socha ki ab to baccho ko kahi ghumane ke liye bhi nhi leke ja skte hai to kyu na wo hotel kr bahar ja ke Jo khali area hai waha pe baccho ko kuch games khelwaya jaye. Teachers sare baccho ko leke hotel ke bahar chle gye jaha pe pura khali jagah tha . Waha pe unhone ne lakdiya jalayi aur sare bacche aag ke charo taraf baith gye , waha sablog enjoy kar rhe the tab tak Kunika ki ek friend jiska naam "Sheetal" tha wo achanak se Kunika ko bolne lagi - man le ki yaha pe bhoot aa gya to tu kya karegi, to Kunika boli - chup kar raat ko ye sab baate nhi krte , fir Sheetal ne bola - maine aisi bhut sari kahaniya suni hai jaha school trip pe baccho ko bhoot pakad leta hai aur yaha to scene bhi aisa hi lag rha hai dekh ye purani si hotel aur ye jungle iske bad Kunika thoda dar gyi tb Kunika ke sare friends ne uska majak udate hue hasne lage aur bole itna jaldi dar gyi tu ye sb bhoot pret sirf kahaniyo me hi hote hai reality me aisa kuch nhi hota aur fir sblog aise hi hasne lage . Teachers aur sare bacche gana ga rhe the aur dance kar rhe the tab tak Kunika ko kuch duri par ek chamakti hui cheez dikhi usne Sheetal ko dikhaya aur boli ' Oye wo dekh kya chamak rha hai chal dekhte hai lagta hai koi sundar si jwellery hai ' tb Sheetal boli ' waha jayenge kaise kafi andhera hai chor kal subah dekh lenge ' lekin Kunika ka man nhi mana aur wo dhire se teacher se nazre chura ke us chamakti hui cheez ko dekhne chali gyi aur usne dekha ki wo ek locket tha lekin Kunika ne wo waha se uthaya nhi aur wapas aa gyi tab tak teachers ne bola ab chalo sab dinner karke so jao kal subah ghume ke liye bhi nikalna hai . Fir sare baccho ne ek sath dinner Kiya aur dinner krke apne apne room me chale gye . Kunika aur uske friends ne plan banaya ki wo log late night talks karenge , wo logo ne late night talks Kiya lekin Kunika ke friends ko nind aane lagi to wo log pahle hi so gye lekin Kunika abhi bhi jag hi rhi thi usko nind nhi aa rhi thi wo iss trip ko bhut jyada enjoy kar rhi thi ye sb uske liye sapne se kam nhi tha kyuki use bharosha hi nhi ho rha tha ki uske parents ne ek baar me hi trip ke liye haan kr diya . Kunika raat ko kal ke bare me soch rhi thi ki kal kaha kaha ghumne jana hai aur maja aayega yhhi sab sochte sochte Kunika soo to gyi lekin use kya pata tha jis trip ke liye wo itni jyada khush hai itna enjoy kar rhi hai whi trip uske life ka ek bhayanak ghatna ban jayega jise wo kabhi bhi apne dimag se nikal nhi payegi ...