Currently available in Hindi only, will be uploaded in English on 12th February 2026.
Bhag Pratham: Samay, vansh or Manav ki pariksha
Upbhag 1: YAYATI —EK RAJA NHI, EK PRASHN
Purane samay ki vo sham thi, jab pruthvi par devtao ki parchhay spasth dikhai deti thi, or Manushya apne karmo se svarg athva patan—dono ka dvar khol sakta tha. Usi yug me chandravanshi ki pavitra dhara par ek esa purush utpann hua, jiski Katha keval itihas nahi bani, balki MANAV JIVAN KA SHASHVAT PRASHN ban gayi. Uska nam tha —YAYATI.
YAYATI KA JANM SADHARAN NAHI THA. VAH ESE VANSH ME UTPANN HUE, JAHA CHANDRADEV KI SHITALTA, BUDHH KI BUDHHI OR PURURAVA KI KAMNA– TINO KA SANGAM THA. UNKE PITA NAHUSH, JINKE CHARNO KI GUNJ SVARG TAK PAHUNCHI THI, SVAYAM SHAKTI OR AHANKAR— DONO KE PRATIK BAN CHUKE THE. USI NAHUSH KA PUTRA YAYATI THA- TEJASVI, SUNDAR, PRAKRAMI OR ASADHARAN.
BALYKAL SE HI YAYATI ME VAH AGNI JAL RAHI THI, JO SADHARAN MANUSHYO ME NAHI PAI JATI. GURUO NE UNHE VED SHIKHAE, RUSHIO NE NITI SHIKHAI, ASTRACHARYO NE YUDHHKALA SHIKHAI– KINTU KISI NE UNHE YAH NHI SHIKHAYA KI ICHHAO KI AAG KO KESE SHANT KIYA JATA HE. YAYATI SAB KUCH SHIKH GAYE, PAR SVAYAM KO JITNA NHI SHIKH PAE.
YUVAVSTHA ME YAYATI PRUTHVI KE SABSE TEJASVI RAJAO ME GINE JANE LAGE. UNKE RAJY ME NA TO ANYAY THA, NA BHUKH, NA BHAY. NAGRO ME SAMRUDHHI THI. OR SABHAO ME DHARM KI GUNJ THI. PRAJA UNHE DEVTULY MANTI THI. KINTU VAHI YAYATI, JO DUSRO KE JIVAN ME SANTULAN LATE THE, SVAYAM BHITAR SE ASHANT THE.
UNKA MAN NIRANTAR KUCH OR CHAHTA THA– ADHIK SUKH, ADHIK BHOG, ADHIK ANUBHAV. VE JIVAN KO EK BAR ME PURA PI JANA CHAHTE THE. UNHE LAGTA THA KI JAB TAK SHARIR ME PRAN HE, TAB TAK KISI BHI SUKH SE PICHHE HATNA KAYRTA HE. YAHI VICHAR DHIRE DHIRE UNKA DHARM BAN GYA.
OR YAHI SE YAYATI KI KATHA EK RAJA KI GATHA NA RAHKAR MANAV MAN KI TRASADI BAN JATI HE.