Ghar ke Bade Bhai ka Jivan

Ye kahani hai ek gao me rahane vale parivar ke bade bhai ki,jisne apna pura jivan apne bhaiyo ke liye Bap ka farj nibhane me laga diya. Unhone apne bibi aur bachcho se jyada apne bhaiyo aur bahano ahmiyat diya . Chaliye shuru se shuru karte h , ye kahani lagbhag 40-45 sal pahle se start hoti h , Ajay jo ghar me sabse bada h uske 4 chhote bhai the 2 chhoti bahne thi ,sabse chhoti bahan chalna shuru kiya tha usi samay unke pita ka ek accident me dehant ho jata h ,, Pita ke dehant ke ek sal ke ander hi uske chacha sab alag alag ho jate h . Ajay abhi satvi class me padh raha tha, uske bhai ek 5vi me, ek chauthi me, ek dusri class me aur sabse Chhota bhai fo bahne school Jana suru bhi nhi kye the . Ajay ke pita 7 bhai the , pita ke gujar Jane ke bad Ajay ki jimmedariya badh gyi .Ajay itna Chhota tha ki koi kam bhi nhi kr sakta tha aur kheti krne layak bhi nhi tha .Uski ma kheto me kam karti thi jisase khane ke liye anaj uga sake ,Ajay ke sabhi bhai uski ma ki madad karte the . Ajay ke chacha ke beti ki shadi thi us samay Ajay ki bahano ke pas koi naye kapde nhi thi ghar me Paisa aane ka koi rasta nhi tha jo kheto me aanaj ugta usase pure sal khane ke liye hota aur agle sal bij ke liye rakhte the . Ajay ne socha vah apni padhai chhodkr koi kam karega aur apne bhai bahano ko padha likha kr bada aadmi banayega ,jab uske bhai padh likh kr paisa kamane lagenge to uske ghar ki sari problem khatam ho jayega, Ajay ke gao me kuchh log truck chalate the ab Ajay ko to aata nhi tha ,usne conductor ke taur pe gao me ek chacha ke sath kam karne lga vo mahine ka 2-300 rupay kamane lga jisase uske bhaiyo ka fees ka kam ho jata . Ghar me khana ma banati thi lekin ghar me kheto me bahut kam hote the ab to bahut sara kam aasan ho gya h technology ki vajah se us samay ,kheto ki jutai bailo aur hal se ki jati thi , chhote bhaiyo se nhi ho pata tha kisi padosi ya chacha se kam karva padta tha badle me unki ma unke kheto me kam karva deti thi ,, Ajay kuchh mahino me hi truck chalana sikh gya ,Fir dhire dhire ghar ki halat achchi hone lgi ab vo lagbhag 16-17 sal ho chuka tha ghr me kisi ko jarurat tha jo ghar ka kam sambhal sake aur Ajay ko sathi ki . Ajay ki shadi ho jati h uske bad 3 sal bad vo apni bibi ki vidai karva ke le aata h .3 sal bad vidai isliye hui kyoki ladki ki age km thi vo ghar ka kam krne layak nhi thi jb thodi mature ho gyi tb usko laya gya , us samay ladkiyo ki jimmedari apne pati ke pariwar ki dekh bhal Krna hi hota tha jo in sab kamo me safal h usi ka jivan safal mana jata tha .