Main aaj aap sabse apni zindagi ki ek bat share karti hu. Jab main 9th class me thi maine tabhi decide kar liye tha ki mujhe CA banna hai. Yeh Mera dream hi nhi balki mera target bhi hai. Mere papa factory me supervisor hai . Maine apne bachpan se humesha unhe dukhi or pareshan dekha hai. Or unhe kahi bar financial condition se bhi gujarte hue dekha hai. Mera target tha ki ek din main CA bani or mere parents ki sari problems dur kar du or sath hi apni 3 sisters ka future bhi secure karu. Lekin mujhe yeh nhi pata tha ki CA ki starting me hi mujhe itni problem face karni padegi. Maine jab mere bade papa se yeh bat share ki ki mujhe CA banna hai to unhone mana kar diya kayi koshish ke bad unhone meri bat accept ki or mujhe CA karne ki permission di. Mere papa jahan kam karte hai waha ke owner hi mere bade papa hai . Isiliye hume har step unse puchhkar lena padta hai. Unhone mujhse promise Kiya tha ki wo meri CA ki padhai me Puri help karenge or maine bhi un par aankh band karke bharosa kiya lekin jab meri CA ki journey start Hui unhone tabhi mujhe cheat kiya. Jab main pehli bar unse apne ca foundation ke registration ki bat ko lekar gayi to unhone mujhe apne office me kam karne bula liya or main bhi majboor hokar chali gayi per jab mujhe realise hua ki mujhe office bulakar wo mujhe CA ki padhai se dur karna chahte hai to maine office Jana chhod diya. Or mere papa ne bahut mushkil se mera registration karaya uske bad jab main 12 th exam clear ki or foundation ki classes ko lekar bahar jane ki bat apne papa se ki to pehle unhone mana kar diya kyuki mujhe bachpan se asthma attack ki problem hai isiliye wo humesha mujhe lekar pareshan rehte hai par jab maine unhe samjhaya to wo samajh gaye or maine jitne bhi logon se advice li un sab ne mujhe yahi advice di ki mujhe bahar jakar padhai karni chahiye. Or yeh bat lekar main apne bade papa ke pass gayi. To unhone mujhe iske liye bhi mana kar diya or mujhe bhut bura bhala sunaya lekin main chupchap sunti rahi kyuki agar main unhe koi jawab deti to bat mere papa per aa jati. Isiliye mein chup rahi ghar aakar maine yeh sari batein apne parents ko batayi or hum sab bhut pareshan ho gaye ki ab kya kare. Phir papa ne mujhse kaha ki main ek bar online class le lu or ek attempt se lu agar clear nhi hua to wo mujhe phir bahar bhej denge. Maine unki bat accept ki or online classes li. Maine 4 mahine bhut mehnat ki or jab exams ka time aaya to apni Puri mehnat lagayi. Or exams diye. 1 mahine bad jab result aaya to mujhe pata chala ki mera attempt clear nhi hua. Main bhut royi or mere papa bhi bhut upset hue. 7 din Tak Mera mind disturbed bas ek hi bat mind me chalti thi ki ab kya karu. Phir mere bade papa ne mujhe bulaya or mujhse unsuccessful hone ka reason puchhne lage or mujhe phir se demotivate karne ki koshish ki main CA na karu yeh bhut tough hai but maine unki bat nahi mani or dobara CA foundation 2nd attempt ki preparation karne lagi. Lekin mere papa ki financial condition ki wajah se wo bhut pareshan the or mein bhi to unhone bade papa se financial help karne ke liye kaha to unhone mujhe or mere dad donon ko unke office bulaya or humse kaha ki wo humara saath denge or koi bhi help chahiye to hum unse kahe or hume pura dilasa dilakar bhej diya.uske bad jab dad unke pas gate financial help lene to unhone mana kar diya or aaj na to wo humari help karte hai or na hi humse bat karte hai. Lekin phir bhi mere papa ne har nhi mani or mujhse kaha ki main apne dam par tujhe padhaunga or mujhe support Kiya. Or inhi sab reason ki wajah se main CA banna chahti hu taki main apne parents ko wo har Khushi har sukha de saku jo wo deserve karte hai. Yeh meri life ki sabse badi problems. Is story ke through main aap sabko yahi batana chahti hu ki kabhi bhi apne parents ke alawa or kisi par bharosa mat karo kyuki is duniya me maa baap se badhkar na koi tha, na koi hai, or na koi hoga. Parents chahe kitne bhi dukh me ho par wo apne bachhon ko kabhi dukh nhi denge or yahi khyaal bachhon ka bhi hona chahiye ki wo bhi kabhi apne maa baap ko dukh na de or unki khushiyon ka dhyaan rakhe
JAI SHREE KRISHNA 🙏🏻