UNTitled,Yashi_Singh_02601768904005

Pati patni ka ek joda jo apni nayi zindagi ki shuruvat karne ayodhya nagri aaya ek choti si privet job aur ek khushal jeevan. Din bite sal gujra aur unke ghar ek Laxmi ka janm hua mano khusi ki leherr hi aa gayi vo dono bohot khush hue , lekin parivar kahi na kahi thoda dukhi hua,kyuki Laxmi ka janm hua . Pita Ram Singh ki soch bohot alag thi samjh ki soch se unhone socha unki ladki pari nhi shernii banegi aur uski padhai ke liye paisa jama karne lage beti ka naam bohot pyar se Gudiya rakha gaya . Nanhi pari se ghar bhara bhara sa lagne laga unki jeevan aanand se bhar gaya.Isi trah kuch sal aur bite aur phir se unke yaha ek Laxmi ka janm hua is bar bhi parivar me mayushi thi lekin ma aur pita ji ki aankhon me khushi thi unhe kisi bat ki chinta nhi thi unhone bitiya ka naam Manu rakha. Pita ji betiyon ko padhane ke liye apne kharche km karte gaye unki jaruraton ka dhyan rakha.Unka jeevan khushiyon se bhar gaya tha pas ke ek chote se school me unhone bacchiyon ka admission karwaya roj subah bohot pyar se bacchiyon ko tyar karte aur school le jate.Ram Singh bohot saral aur sidhe vyakti the ve roj mangalvar ko mandir jate the aur ab unki betiyaa bhi unke sath Jaya karti thi.Isi trah kuch sal aur bite samay ka tho mano pata hi na chala ho aur ek bar phir se unke ghar ek Laxmi ka aagman hua. Ram Singh ki maa ki ko bohot kast hua is bar sabhi ki aasha thi ki ladka hoga, lekin kismat ko kuch aur hi manjur tha Ram Singh aur unki patni khush the unhe in bato se farak nhi padhta tha.Apni betiyon ko kabil banane par vishwas rakhte the unhone bitiya ka naam Sharda rakha.Sharda ko unhone bachpan se ladko ki tarah rakha uske bal kapre rehen sehen.Sharda bachpan se padhai me acchi thi aur uski aadaten apne papa ki trah thi.Ram Singh kabhi bhi betiyon ko bojh nhi samjhe unhe aisa sochne wale log bhi nhi pasand the.Bohot kam kamayi ke baad bhi unhone bohot ache se bacchiyon ko pala. Kafi samay gujarne ke bad badi beti Gudiya ka school ka antim varsh 12th aaya. Yaha se Gudiya ke jeevan me naye badalav hue. Aur bohot si galtiyan hui jinke bare me Ram Singh ko jankari nhi thi.Shayad ye aadhunik jeevan ka badalav tha maa ji atyant saral thi unhen in chijon ka itna pata nhi tha aur Gudiya se ek choti si galti hui ,jisse padhai se dhyan bhatkane laga uske school me hi ek male friend se batchit jyada hone lagi aur vo dhree dhree prem me badal gayi. Gudiya apne papa se bat chupane lagi aur padhai ko nazarandaz karne lagi use ye sab acha lag raha tha. Aage Gudiya ne kya kadam uthaya??