The Journey Begins: ( Safar ki suruat )
ye kahani itni purani hai sayad jis samay insaani sabhyata itni vikshit nhi thi pr sayad us samay ek esa sheher mojood tha jo us samay ke kisi bhi Adivasi or banjaron ki sabyataon se aage tha or us sheher ka naam tha "Uruk". Uruk ki kahani aaj se 5000 saal purani hai, uruk ke baarein mai hume jyada se jyada Sumerian logon ki clay tablets mai padne ko milta hai. un clay tablets or likhne ki suruat Uruk ke Pehle raja enmerkar ne ki pr ye kahani nato enmerkar ki hai or nahi soloman jaise rajaon ki. ye kahani hai ek ese raja ki jisne Amarta ki jadibutti dhundhe ka safar tay kiya, jisne devataon se nafrat ki kyunki uske vichar devtaon se bilkul alag the. ek raja jo jaate jaate zindagi ka asli matlab sikha gya... uska naam tha "KING GILGAMESH".
King Gilgamesh ke baarei mai hume sabse jyada Sumerian logon ki mythology se pata chalta hai. ek 12 tablets pe likha epic jisse sayad koi bhool payega..
is kahani ki suruat Gilgamesh ke janam se hoti hai uske pita ka naam tha "Lugalbanda" joki uruk ke raja the. both takatwar or ek mahan raja unke paas bhi kuch deviye shaktiyan thi pr vo amar nhi the unki maut ke baarei mai kaha jata hai ki vo ek aam raja ki Tarah samman se is duniya se gye or aatma ke roop mai zinda rhe.. or uski maa thi " ninshu" "The goddess of wisdom and & dreams" vo ek devi thi or lugalbanda se pyaar kr bethi vo apne pati ke baad bhi zinda rhi kyunki vo amar hai. Gilgamesh shuru se hi koi aam bacha nhi tha vo 2/3rd devta and 1/3rd human tha. bachpan se hi takatwar or sabki fikar krne wala apne logon ke liye ek ideal raja pr jese jese vo bada hota gya usko takat ka ghamand hone laga. ehankari or ghamandi itna ki uske liye ab apni praja sirf khilone the unka shosan krna or or bulls ki Tarah kaam krvana. kaha jata tha ki uske paas duniya sampurn Khazana tha itna ghamandi hone ke karan vo sare khazane or sundar aurton ko apna manta tha fir bhale hi vo shadishuda ho ya nhi vo unko bal purvak apna bana leta tha.
ye to jahir hai ki log in sab se pareshan hogye or unhone devtaon se madad maangi "Anu" jo akash ka devta tha. logon se use mada ki pukaar lagai " unhone kaha na to pita ka beta surakshit hai, na to kulin ki patni, na hi maa ki beti, or na hi yodha ki patni" unme se ek bujurg aadmi ne kaha "ye kesa charwah hai jo chara to deta hai but fir unhi ko maar deta hai".
ye sab sunkar Anu ne faisla liya ki vo Gilgamesh ka atyaachar band krenge, use marne ke liye vo devtaon ne mitti se ek jungle insaan banaya "Enkidu". ussey jab dharti par bheja gya use kuch nhi pata tha ki use aakhir kyun banaya gya or uska maqsad kiya hai uska sharer swarg ki janjeeron se bandha hua tha. ek anant deviye shakti jo khaas tor par Gilgamesh ko marne ke liye banai gyi thi. Uruk mai Gilgamesh logon pai atyachar krta rehta hai ek raat use sapna aata hai ki " vo dekhta hai ki ek tara asmaan se gira jisme asim takat hai Anu Jaisi vo use uthane ki koshish krta hai pr ussi samay uruk ke saare log ikatha ho jate hai and uski maa ninshu aati hai or kehti hai " tum jald hi ek saathi milne wala hai vo tumhari hi Tarah takatwar hoga, buddhiman hoga or ho sakta hai tumhe ek nayi raha dikhaye. Gilgamesh ki Aankhen khulti hai vo sochta hai ek nayi raha.... Gilgamesh Shamat ko uski khoj mai bhejta hai jo ki ek Vaishya hoti hai..
Shamat Enkidu ko dhundh leti hai vo junglon mai bhatak rha tha. khane mai janwar or fruits khata tha vo kaafi asabhya tha or Shamat usko sabhya banati hai or uske baad vo ussey Uruk leke aati hai tab Enkidu wahan ke logon ka dard dekhta hai ki unpe unka raja kitna atyaachar krta tha. ussey pata chalta ki Gilgamesh ek rivaz ko follow krta hai jisme shaadi bhale hi kisi bhi ladki ki vo lekin pehli raat vo hi uske sath manata hai. Enkidu ye sunkar both gussa ho jata hai or ek raat ek ladki ki shaadi hoti hai or Enkidu sochta hai ki mai Gilgamesh ko rokunga vo Dulhan ke chamber ke bhaar khada ho jata hai or jab Gilgamesh ata hai to vo use vahin rok leta hai or kehta hai " mai tujhe andar nhi jaane dunga". Gilgamesh ko ye apni beijaati lagti hai vo gusse se bokhla uthta hai or kehta hai " kon ye jangli janwar jaisa dikhne wala aadmi" Phir dono sadkon pe nikal pade – yeh ek epic kushti thi, jaise do jangli bhenshon ki ladai! Woh ek doosre ko pakadte, dhakel dete, aur shehar ki deewaron se takrate. Gilgamesh Enkidu ko utha kar zameen pe patakta, Enkidu Gilgamesh ko baalon se kheenchta aur diwar pe phenkta. Poora Uruk hil gaya – log dar gaye, deewarein kaanp uthi, jaise bhukamp aa gaya ho. Yeh ladai ghanto chali, na koi hathiyaar, bas haath-pair aur taakat ka jor! woh Enkidu ko zameen pe daba diya, uska muh zameen ki taraf kiya, aur jeet gaya. Enkidu haara, lekin usne haath nahi uthaya aage.
ladai ke baad, gussa thanda ho gaya. Gilgamesh ne Enkidu ko nahi maara – balki usko uthaya, gale lagaya, aur bola, "Tu mera barabar hai!" Enkidu ne Gilgamesh ki taakat maani aur bola, "tu raja hai, main tera saathi banunga."
Ye tha kahani ka sirf ek hisaa agla hisaa jald hi aayge
ye padne ke liye aapka both both sukriya